حاجات صغنونة تخليكى زى القمر من غير اى مكياج.

مهندسة نشيطة عدد المساهمات : 202

بــــــــــــــسم الله الرحـــــــــــمن الرحيـــــــــــــم
حـــــــــاجـــــــــات صغيرة اوى تخليكى زى القمر

1- عند غسل الشعر بالشامبو اقلبى راسك لاسفل واقلبى شعرك للامام وادعكية بينشط الدورة الدموية للشعر وبالتالى يمنع سقوطة.
2- زبدة الكاكاو لدهن كعوب القدم ( اللى بنستخدمها للشفايف ) بتخلى الكعوب تحفةادهنيها بالليل والبسى شراب وشوفى النتيجة الصبح.
3- وانتى على الكرسى وقاعدة قدام الكمبيوتر قومى واقعدى 5 دقايق بتتخلصى من الارداف والشحوم المتركزة فى هذة المنطقة.
4- اغسلى وشك بالصابونة واتركى الرغوة وضعى اربع نقاط معجون اسنان على الرغوة وادعكى وشك وبعدين اشطفية (قومى جربى وارجعى ردى وادعيلى) بيفتح البشرة ويديها لون وردى هتحسى ان البشرة بتتنفس (متجربة).
5- وانتى فى المصيف التراب الموجود تحت الماء على الشط خدى شوية وادعكى سنانك هتبرق تماما ولو دعكتى وشك للخلايا الميتة هتروح من الاملاح الموجودة فى التراب.( بصراحة دى مقرفة شوية بس بيقولوا انها كويسة ما علينا).
6- للمعان الشعر قبل السشوار اشطفى شعرك اخرشطفة بالماء المضاف الية الشاى المغلى بعد تبريدة واتفرجى وادعيلى.
8- وضع ماء الورد المخصص للشرب على ماء الشرب العادى بيورد كل بشرة الوجة والجسم وينظف الجسم ايضا من الداخل ودى وصفة الايرانيات هتلاقيهم بشرتهم تحفة من مية الورد.
9- اخلطى كريم الاساس فى كف يدك مع كريم مرطب واقفلى اليد الاخرى واخلطيهم مع بعض وضعيهم على الوجة يمنع تكتل كريم الاساس وهيديكى لمعة تحفة ويمنعة من التشقق مع الوقت الطويل ولا اغلى ماركة.
10- اغلى نصف فنجان ماء مع كركدية واخلطى المية بعد الغلى مع فازلين وادهنى شفايفك كل يوم بالليل اسبوع شفايفك بتبقى وردى طبيعى لمدة شهر.
11- شرش الجبن ( او الماء اللى بيكون فى علبة الجبنة ) حطية فى زجاجة وادهنى وشك منة مرتين فى اليوم وادعيلى تفتيح وترطيب وازالة البقع والنمش.
12- تغيير نوع الشامبو كل اربع شهور لان شعرك بياخد علية ولو بتحبى نفس النوع ابقى ارجعيلة بعدالتغيير عادى بس غيرى وارجعى.
13- ضعى طلاء الاظافر فى الثلاجة قبل وضعة هينشف بسرعة ويتحط بسرعة ( من اسرارى).
14- عضتك نموسة او حبة فجاة وعند خروجة بسرعة حطى عليها اى نوع من قطرة العين وادعيلى اوعوا تنسوا.
15- خايفة على الشراب النايلون من القطع اغسلى رجلك ببلسم الشعر واشطفى رجلك هتبقى نعمة موت حتى لو مش هتلبسى شراب.
16- مزيل الماكياج خلص استخدمى الزبادى لازالة الماكياج ومنة ماسك سريع هتتصدمى من النتيجة.

مهندسة فعالة عدد المساهمات : 79

مش عارفه ليه مستغربه الوصفات ديه
هجرب منها شويه واشوف
ربنا يستر بجد
انا بضحى بنفسى علشانكم يا جماعه
شكرا يا برنسيس

مهندسة فعالة عدد المساهمات : 75

هاااااااااااااااااااااااااايل
ولكن عندي تعليق علي
زبدة الكاكاو لدهن كعوب القدم ( اللى بنستخدمها للشفايف ) بتخلى الكعوب تحفةادهنيها بالليل والبسى شراب وشوفى النتيجة الصبح.

اللياعرفه ان اللي يلبس شراب وهوه نايم نظره يضعف