معنى التنمية البشرية

مهندسة نشيطة عدد المساهمات : 202

انا حاولت اجمع لكم المفيد لتعريف علم التنمية البشرية فالموضوع ده موجود من زماااااااان جدا وبرغم كده ابتدى ينتشر قوى من كام سنة عندنا فى مصر وبردو لسه فى ناس كتييييييرة قوى متعرفهوش
المجال ده جميل جدا اغلبنا بيقرأ كتير فى فروعه ومواضيعه او بيسمعه او بيعمل الى فيه من غير تعلم او حاجة ومن غير مايعرف ان ده علم

عارفين قناة smart tv دى قناة مخصصة لمواضيع ومحاضرات التنمية البشرية
عارفين د/ابراهيم الفقى ود/طارق سويدان دول مدربين عالميين فى التنمية البشرية
عارفين اختبارات الشخصية واختبارات iq لاختبار نسبة الذكاء
ومواضيع ازاى تخطط لحياتك وازاى ترسم اهدافك
وازاى تنظم وقتك

وازاى تزود ثقتك فى نفسك وازاى تبقا شخصية ناجحة ومبدعة

وازاى تتعامل مع الاشخاص وتكسب الاصدقاء وتكسب حب الاخرين
وازاى تكون فرق عمل وازاى تبقى قائد ناجح فى اى مكان

وازاى وازاى و.............. ....

وده شئ مش جديد علينا لاننا لو دورنا فى سيرة لرسول عليه الصلاة والسلام هنلاقى معانى كتير من اللى بيتناولها هذا المصطلح "التنمية البشريه" فى معاملات واخلاقيات الرسول عليه الصلاة والسلام والصحابة رضوان الله عليهم . بس الجديد ان العصر الحديث تناولوا الموضوع بشكل جديد يتناسب مع احتياجات العصر مثل الحاجة الى وظيفة تتناسب مع امكانيات الفرد ومستوى تعليمه , وكيفيه مواجهة الفرد الحياة العمليه وغيرها .
وزى ما احنا بنعمل تنمية زراعيه للنهوض بالزراعة وتنميه اقتصادية للنهوض بالقتصاد وزيادة الدخل . ليه لا ما نعملش تنميه بشريه , للنهوض بالفرد والمجتمع الانسانى قبل اى شئ.

بالنسبة لاهداف التنمية البشريه :

1- بناء انسان قادر على مواجهة الحياةوالتغيرات التى تحدث حوله بشكل ايجابى وفعال

2- مساعدة الفرد على التفكير بشكل ايجابى وابداعى وتغير نظرته من نظره سطحيه الى نظرة اكثر عمقا وبشكل مختلف للحياةمن حوله.

3-محاولة اثراء تواصل الفرد بالمجتمع بشكل اخلاقى ومؤثر يعبر فيها الفرد عن نفسه ويتولد شئ من الارتياح بينه وبين اسرته واصدقائه وزملاء العمل وقائديه .

4- مساعدة الفرد لايجاد الوظيفة المناسبه له وكيفيه الحصول عليها ومايحتاجه لذلك من مؤهلات ودورات سمات فى الشخصيه

5-كيفيه تعامله مع فريق العملومع قائد الفريق ويجب ان نعلم جيدا ان الفرد كالترس سواء كان الترس الرئيسى او الصغيرفى الماكينة ونرمز بها للمؤسسة او المجتمع بصفه عامة , وحتى ان الترس الصغير بدونه لن يدور الترس الكبير , ولذلك يجب ان يتفهم الفرد انه مهما كان دوره فانه سيكون مؤثرا اذا ما قام به على النحو الامثل وعمل على اظهار ابداعاته الخلاقه به. فهو قائد المهمة التى يقوم بها مهما صغرت
.
6-بناء انسان يدرك ماهى اهميه الوقت وماهو اهميه دوره وكيفيه استغلال طاقاته ومواهبه ووضع اهداف لحياته

7- كيفيه التعامل مع المشكلات التى تواجه الفرد بشكل ايجابى, فلا يتعامل مع المشكله وكانه مصوب لراسه فوهة مدفع. .

وهكذا يمكن القول أن للتنمية البشرية بعدين، أولهما يهتم بمستوى النمو الإنساني في مختلف مراحل الحياة لتنمية قدرات الإنسان، طاقاته البدنية، العقلية، النفسية،الاجتماعية، المهارية، الروحية ....

أما البعد الثاني فهو أن التنميةالبشرية عملية تتصل باستثمار الموارد والمدخلات والأنشطة الاقتصادية التي تولدالثروة والإنتاج لتنمية القدرات البشرية عن طريق الاهتمام بتطوير الهياكل والبنى المؤسسية التي تتيح المشاركة والانتفاع بمختلف القدرات لدى كل الناس.

دى كانت حاجة كده على ماقسم وان شاء الله المواضييع بتاعتنا الجاية هتوضح كل حاجة بإذن الله

» أضداد لها معنى